බිහිදොර ගැන යමක්

කැලණිය විශ්වවිද්‍යාලයීය මහා ශිෂ්‍ය සංගමය මගින් පවත්වනු ලබන බිහිදොර අබියස කලා උළෙල මෙවර සංවිධානය වනුයේ 14 වන වරට වන අතර මෙවර මෙහි සුවිශේෂිත්වයන් කිහිපයකි. එනම් ඉතිහාසයේ නොවූ තරම් ලාංකීය භූමිබාගයේ වූ සියලුම පාසල් වල සහෝදර සහෝදරියන්ට මෙවර කලා උළෙලට සහභාගී වීමට අවස්ථාව උදාකර දී ඇති අතර සියලුම දමිළ සහෝදර සහෝදරියන්ටද අවස්ථාව සලසා තිබීම මෙහි වඩා සුවිශේෂීත්වයයි. කලාව පිළිබඳ වර්ථමානයේ සමාජය තුළ ඇති අයහපත් කතිකාවත මුදල් හෝ බලය හෝ ජාති කුල මල භේද නොසලකා වර්ගවාදය පිටු දකිමින් වඩා සෞන්දර්යාත්මක පරිදි සමාජයට මිනිසාට සේවය කරන්නාවූ කලාවක් බවට පත් කරලීමට බිහිදොර අබියස කලා ප‍්‍රසංගය සමත්කම් දක්වනු නොඅනුමානය. එය වර්තමාන ශිෂ්‍ය පරපුර ලෙසත් සුවහසක් දරුවන්ගේ අනාගතය වෙනුවෙන් සිය දිවි පිදු සොයුරන් සොයුරියන් වෙනුවෙන් කරනු ලබන අතිශය ගරු කිරීමක් ලෙසත් අපට උද්දාමයට පත්විය හැකි බව නොවලහා ප‍්‍රකාශ කළ හැකිය. ධනවාදය තුළ හෘද සාක්ෂිය විකුණා දමා කලාව සිය ආත්මාර්ථය උදෙසා විකුණන් කන මහා කලාකරුවන් ලෙස පෙනී සිටින හා  ධනවාදී රෙජීමයේ දේශපාලන අවශ්‍යතාවන් වෙනුවෙන් කලාව හසුරුවමින් සමාජයට වැරදි අර්ථකතනයක් ලබා දෙන්නවුන්ට මෙය බලවත් හිසරදයක් වන බවද නොරහසකි.

මිලට ගත් සියල්ල දිය වී යද්දිත්

ලගින් උන් හැම වෙන්වී යද්දිත්

හදෙහි වූ හැම බොඳවී යද්දිත්

ඉතිරි වූයේ කළ මතකයන් පමණකි

එහි ලැබූ තෘප්තිය පමණකි

මිනිසුන් ගැන හිතන්නට හුරු වූවන් පිරි සමාජයක් උදෙසා කැප වෙමු 

වැඩ කරමු

එකාවන්ව එකතු වෙමු

අරගල කරමු

ජය වේවා

සටන් පෙරමුණට ගිය නුඹ නැවත ආවේ නැත සොයුරනි

ඔබ අප අතරින් වෙන් වූවා නොව අප හදවත් තුළ සදාතනික විය

නිදහස් අධ්‍යාපනය සුරැුකීමේ අරගල බිමේදී 2011/09/27 දින මිනීමරු මහින්ද රාජපක්ෂ රෙජීමය

විසින් බිල්ලට ගත්  ශිෂ්‍ය නායකයන් වූ අප ආදරණීය සොයුරන් වන ජානක බණ්ඩාර ඒකනායක හා සිසිත ප‍්‍රියංකර සොයුරන් අනුස්මරණ වැඩසටහන 2014/09/23 දින කැලණිය විශ්වවිද්‍යලයීය ශිෂ්‍ය මධ්‍යස්ථානයේදී පැවැත්විනි. මේ අවස්ථාව සඳහා විශ්වවිද්‍යල සිසුන් , ආචාර්‍යවරු, අන්තර් විශ්වවිද්‍යාලයීය ශිෂ්‍ය බලමණ්ඩලයේ කැඳව්ම්කරු නජිත් ඉන්දික සාහෝදරයා හා සිසිත ප‍්‍රියන්කර සහෝදරයාගේ ආදරණීය මිත්තණිය නැන්දණිය හා සොහොයුරියකද සම්බන්ද විය.

බිහිදොර අබියස කලා උළෙල

කැලණිය යළිත් සටන් බිම පෙරමුණු තනයි

කෙටි කාලීන නිහඩතාවක් පැවති කැලණි ශිෂ්‍ය ව්‍යාපාරය යළිත් සටන් බිමට පිවිසියහ. වර්ථමානය වන විට අධ්‍යාපන ක්ෂේත‍්‍රය තුළ පාලක අන්තනෝමතිකත්වයන් හේතුවෙන් උද්තගව ඇති අර්බුදයනට විසදුම් ලබා ගැනීමට පාලකයන් හා කොතෙකුත් උත්සහ දැරුවද සියලුම උත්සහයන් ව්‍යර්ථ වී ගිය හෙයින් යළිත් අරගල බිමට පිවිසීමට සිදුවිය.

ජපුර සරසවියේ විභාග අවුල් කිරීම

මේ වන විට ජයවර්ධනපුර විශ්වවිද්‍යාලයේ ශාස්ත්‍ර පීඨයේ ප්‍රථම සයමාසික පරීක්ෂනය පැවැත්වෙමින් පවතී. මෙම විභාග බොහොමයක විවිද ආකාරයේ ගැටළු බොහොමයක් ඇතිවීම හේතුවෙන් විභාගයට පෙනීසිටි සිසුන් බරපතල පීඩාවකට පත්ව ඇත.

2014.09.01 දින පෙ.ව.9.00ට පැවැත්වීමට නියමිතව තිබූ බුදුදහම හා මානසික සංවර්ධනය විශය(2140) සඳහා ශිෂ්‍යන් 80 දෙනෙකු පෙනී සිටීමට නියමිතව තිබුනි. එසේ වුවද පෙ.ව. 9.00 වන තෙක්ම විභාග ශාලාව තුල විභාග අංක යොදා විභාගය පැවැත්වීමට හැකි වන ආකාරයේ කිසිම සූදානමක් නොතිබුනි. එබැවින් විනඩි 30ක් ප්‍රමාද වී විභාගය ආරම්භ කරන ලදී. මෙහිදී සිදු වූ බරපතලම ඛේදවාචකය වූයේ සිසුන් 80ක් පෙනී සිටිමට නියමිතව තිබූ විභාගය සඳහා ප්‍රශ්නපත්‍ර ප්‍රමානවත්ව තිබුනේ 47 දෙනෙකුට පමණි. මෙම හේතුව නිසා ප්‍රශ්න පත්‍රවලට පිළිතුරු ලියමින් සිටි සිසුන්ට පිළිතුරු ලිවීම නතර කර විභාග ශාලාවෙන් ඉවත්වීමට සිදුවිය.