බිහිදොර අබියස ප‍්‍රාසාංගික කලා උළෙල 2014

බිහිදොර අබියස ප‍්‍රාසාංගික කලා උළෙල 2014

කැලණිය විශ්වවිද්‍යාලයේ මහා ශිෂ්‍ය සංගමය මගින් 14 වන වරටත් සංවිධානය කරනු ලබන බිහිදොර අබියස කලා උළෙල කැලණි සරසවියේදි පැවැත්වීමට කටයුතු සංවිධානය කරමින් පවතී.

 කලාව මුදලට තීන්දු වූ යුගයක කලා කරුවන් මුදල් පසුපස හඹා යමින් තම කලා වටිනාකම් හෑල්ලූවකට ලක්කරගත් යුගයක ධනවාදයේ කුරිරුතම ගොදුරක් වූ සමාජයේ මිනිසුන් උදෙසා කලාව ප‍්‍රතිනිර්මාණය කරගැනීම උදෙසා මාවතක් විවිර කර දීමක් ලෙස බිහිදොර අබියස කලා උළෙල දැක්විය හැක. බිහිදොර අබියස උත්කර්ශයට නංවනුයේ සරසවි සිසුන්ගේ ශ‍්‍රමය තුලිනි. අසිමතව ශ‍්‍රමය හෙලමින් මෙම දැවැන්ත කලා මංගල්‍ය අවසන දැවැන්ත අද්දැකීම් සම්භාරයක් හා දැවැන්ත මානව සම්බන්ධතා ප‍්‍රමාණයක් ශිෂ්‍යන්ට ලැබෙන අතර ලංකාව පුරා වෙසෙන කලා හිතවාදීන් හා එකිනෙකා අතර සබඳතා ගොඩනංවමින් ඉහළ ගණයේ කලා කෘතියක් ලෙස කලා උළෙල එළිදැක්වෙනු ඇත. මේ වටා එකතු වී ජීවිතයේ දුර්ලභ ගණයේ අවස්ථාව හා එක්ව සමාජයට ශක්තිමත් පුද්ගලයෙකු ලෙස ප‍්‍රවිශ්ඨ වීමට මෙය අවස්ථාවක් කරගැනීම ඔබ අප සැමගේ වගකීමක් වනු ඇත.

කැලණි සිසුහූ යළි සටනේ

කැලණිය විශ්වවිද්‍යාලය තුළ උද්ගතව ඇති අධ්‍යයන හා සුභසාධන ගැටලු හා සමස්ත අධ්‍යාපන ක්ෂේත‍්‍රය තුළ උද්ගතව ඇති අර්බුධකාරී තත්ත්වයනට එරෙහිව යළි සටන් බිමට පිවිසයහ. 08/20 ඊයේ දිනයේදී දහවල් විශ්වවිද්‍යාලය තුළ උද්ඝෝෂණය පැවැත්විනි. එහිදී මුලික වශයෙන් අවධානය යොමුකරන ලද කරුණු පහත
පරිදි වේ.



01 කැලණිය විශ්වවිද්‍යාලය තුල බාහිර උපාධි ලේබලය යටතේ කලා උපාධිය හා කළමණාකරන උපාධිය විකිණිම වහා නවතනු

02 ශිෂ්‍ය නිදහස අහිමි කරමින් විශ්වවිද්‍යාලය තුළ සවි කර ඇති කැමරා පද්ධතිය වහ ඉවත් කරනු.

03 පොරොන්දු වූ පිරිමි නේවාසිකාගාරය කඩිනමින් ඉදිකරනු.

04 නේවාසිකාගාර ඉල්ලූ සිසුන්ට පැනවූ අත්හිටවූ පන්ති තහනම් වහා හකුළා ගනු.

05 සරසවිය තුළ පහසුකම් සඳහා මුදල් අයකිරීම වහා නවතනු.

06 12-1 කෑම පැය විවේක කාලය ලබා දෙනු.

07 80% පැමී්ණිම වර්තා කිරීමට පනවා ඇති නීතිය ඉවත්කරනු.

08සරසවිය තුළ ශිෂ්‍ය නිදහස තහවුරු කරනු.

09 අධ්‍යාපනයට මුදල් අය කිරීම වහා නවතනු.

ඉහත කරුණ මුල් කර ගනිමින් විරෝධතාව පැවැත් වූ අතර දිගින් දිගටම ප‍්‍රකාශ කර සිටිනුයේ සමාජීය අයිතියක් වූ අධ්‍යාපන අයිතිය මුදලට තීන්දු කිරිීමට කිස්සේත් ඉඩ ලබා දිය නොහැකි බවයි.

කැලණියේ උපාධි විකුණයි

කැලණියේ උපාධි විකුණයි
කැලණිය විශ්වවිද්‍යාලයේ මේ වන විට සෑම අධ්‍යයන අංශයකම පාහේ උපාධි පාඨමාලා ඩිප්ලෝමා වශයෙන් කාලයක සිට අලෙවිකරමින් පවතී. එහි නවතම තත්ත්වය වනුයේ කලා උපාධිය රු ලක්ෂ 75කට බාහිර උපාධි ලේබලය යටතේ වෙළඳපලට ඉදිරිපත් කර ඇත. කොතරම් ඩිප්ලෝමා දෙනවාද උපාධි දෙනවාද යන්න නොව සමාජ අයිතියක් වූ අධ්‍යාපන අයිතිය විකිණිම අතිශයින්ම අයුක්තිසහගත වන අතර එහි දීර්ඝ කාලීන ප‍්‍රතිඵලය වනුයේ රටේ අහිංසක දුප්පත් ජනතාවට අධ්‍යාපන අවස්ථා අහිමි වී අධ්‍යාපනය ඇති පන්තියේ වරප‍්‍රසාදයක් වීමයි.අප පවසා සිටිනුයේ අධ්‍යාපන අවස්ථා පූලුල් කළ යුතුය එහෙත් එය මුදල් අයකරීමෙන් තොර විය යුතුය. නව විශ්වවිද්‍යාල අධ්‍යාපන ආයතන ඇරඹිය යතු අතර රජය හරහා අධ්‍යාපනය ලබාදිය යුතු අතර කිසිදු මුදලක් අප නොකළ යුතුය.කැලණිය විශ්විද්‍යාලයේ වර්තමාන පරපුර වන අප මෙයට එරෙහිව පෙල ගැසිය යුතුය.අධ්‍යාපනයට මුදල් අය කිරීම නවතා අධ්‍යාපන අවස්ථා පුලුල් කර නිදහස් අධ්‍යාපනය සමාජයට උරුම කර දිය යුතුය. සටන් කොට අධ්‍යාපය අයිතිය අප වෙනුවෙන රැුක ගනිමු. පන්ති පාට ජාති බේද නොමැතිව පීඨ බේද නොමැතිව එක් වෙමු, පෙල ගැසෙමු සටන් කරමු



ජය වේවා...

පහත ඩිප්ලෝමා විකුණනු ලබයි

ආදී විද්‍යාර්ථීන්ගේ සංසදයේ නොපෙනෙන වේශය

ආදී විද්‍යාර්ථීන්ගේ සංසදය නම් වූ විශ්වවිද්‍යාලයේ සංගමය විසින් ශිෂ්‍යයන් වෙනුවෙන් පෙනී සිටින බව මවාපාමින් නේවාසිකාගාර ගැටලුව විසදීම සිය රාජකාරියක් කොටගෙන ඇත. නමුත් විශ්වවිද්‍යාලයේ අධ්‍යාපනය ලබනුයේ රටේ දක්ෂයන් බව නොසලකා කිසිත් නොතේරෙන අමනයන් යැයි සිතමින් ආණ්ඩුවේ දේශපාලන න්‍යාය පත‍්‍රයක් ඇටවීමට අර අදින බව පැහැදිලිය.