බිහිදොර අබියස 2015 ප්රසංගයේ සමාරම්භක උළෙල
බිහිදොර අබියස 2015 ප්රසංගයේ සමාරම්භක උළෙල 2015/10/30 දින විශ්වවිද්යාලයීය ශිෂ්ය මධ්යස්ථානයේදී පැවැත්විනි. කලාව හුදු ස්වකීය ආර්ථික අවශ්යතාවන් වෙනුවෙන් භාවිතා වන යුගයක සමාජ සුභසිද්ධිය උදෙසා අරගලයේ ප්රසංගය ආරම්භය එලෙස අරම්භ විය. කිරිබත්ගොඩ නගරයේ සිට සංස්කෘතික පාගමනින් කැලණි සරසවිය බලා පැමිණි පෙරහැර අවසන කලා උළෙලෙහි සමාරම්භය සනිටුහන් කෙරිණි. අනතුරුව කලා සංගමයේ සබාපති වෙත කලා උළෙලෙහි අරම්භය සම්බන්ධ සන්නස් පත්රය ලබා දීමෙන් පසු ගීත හා නර්ථන අංග වලින් කලා උළෙල අලංකාරවත් විය. මේ අවස්ථාවට අන්තර් විශ්වවිද්යාල ශිෂ්ය බලමණ්ඩලයේ කැඳවුම් කරු ලහිරු වීරසේකර සහොදරයා මහා පේරාදෙණිය විශ්වවිද්යාලයේ කථිකාචාර්ය ලියනගේ අමරකීර්ති සහෝදරයාද එකතු විය. ඔවුන් දෙපලගේ කලාව සම්බන්ධ සංවාදාත්මක දේශන ඒ අතරතුර අංගයක් විය. මේ අවස්ථාව නියෝජනයට කැලණි සරසවි විද්යාර්ථීන් අරගල භූමියට එක්කාසු විය.